ငြိမ့်ညောင်းသာယာမှုတွင် တုန့်ကျင်းဂီတကိုခံစားခြင်း

စာရေးသူ:ကျွန်ုပ်တို့ဝက်ဆိုက်မှ မူပိုင်ဖန်တီးထား လာရောက်ဖတ်ရှုသောအကြိမ်ရေ:  ဝေဖန:()
အုပ် ငြိမ့်ညောင်းသာယာမှုတွင် တုန့်ကျင်းဂီတကိုခံစားခြင်း

          မင် မင်းဆက် ဟုန်ဝူခေတ်မှစ၍ မင် မင်းဆက် ဗဟိုအစိုးရက ယူနန်တွင် စစ်တပ်နှင့်ပြည်သူများကို စိုက်ပျိုးရေးလုပ်ခိုင်းသည်။ တောင်ဘက်သို့ ချီတက်သောစစ်တပ်သုံးလေးသိန်းကို ယူနန်တွင်ထားခဲ့သည်။ ထို့နောက် နှစ်ပေါင်းသုံးလေးဆယ်အကြား ကုန်းတွင်းပိုင်းမှ ရွေ့ပြောင်းနေထိုင်သူ အများအပြားက ယူနန်သို့ လာရောက်နေထိုင်ကြသည်။ ထိန်ချူန်းသည် စစ်ဗျူဟာအရ လူတိုင်းလိုအပ်သော အစွန်ရောက်အကြီးနေရာဖြစ်သည်။ ထို့ကြောင့် စစ်တပ်စိုက်ပျိုးရေး၊ ပြည်သူစိုက်ပျိုးရေးလုပ်ကိုင်သော အဓိကနေရာဖြစ်လာသည်။လူအများအပြားပြောင်းရွေ့မှုသည် ကုန်းတွင်းပိုင်းမှ တေးဂီတများကို ထိန်ချူန်းသို့ သယ်ဆောင်လာမည်မှာ သေချာသည်။ ဤတေးများသည် ကုန်းတွင်းပိုင်း၏ တည်ကြည်ပြီး မဟာဆန်သော ရှေးသံစဉ်များရှိပြီး နယ်စပ်၏ သက်ဝင်မြူးကြွသော တေးသံစဉ်များနှင့် ပေါင်းစပ်ကာ ထိန်ချူန်းဒေသတေးဂီတ ဟန်ပန်နှင့်ထိန်ရက်ရှေးတေးဂီတ——တုန့်ကျင်းဂီတ ဖြစ်လာသည်။

 

          တုန့်ကျင်းဂီတသည် ထိန်ရက်ရှေးဂီတထဲမှ စီးဆင်းလာသောအကြာဆုံး၊ လွှမ်းမိုးမှုအရှိဆုံးဂီတ မျိုးဖြစ်သည်။ ကျမ်းစာများက အဓိပ္ပာယ်နက်ရှိုင်းပြီး သံစဉ်မှာ တည်ငြိမ်သည်။ နားထောင်လို့ကောင်းသည်။ ကြီးမြတ်ခြင်း၊ လဘ်ကောင်းခြင်းတို့ကို ကိုယ်စားပြုသည်။ တုန့်ကျင်းဂီတသည် ဝိန်ချန်းတိကျွင်း၊ ကွမ်းရှိန့်ယိမ်၊ ခုန်ရှိန့်ယိမ် တို့ကို ပူဇော်ပသရာတွင် သုံးသောဘုရားကျောင်းကန် ဂီတဖြစ်သည်။ ထို့ကြောင့် သမိုင်းတွင် တုန့်ကျင်းအသင်းတွင် ပါဝင်သူသည် ဂုဏ်သရေရှိလူကြီးများသာ ဖြစ်ကြသည်။ ထိန်ချူန်းတွင် တုန့်ကျင်းကို လေးစားမြတ်နိုးကြသည်။ အရပ်ထဲမှ လူမှုရေးလှုပ်ရှားမှုအခမ်းအနားများတွင် တုန့်ကျင်းကို သုံးကြသည်။ တုန့်ကျင်းဂီတသည် တောင်(daò) ဘာသာဂီတမဟုတ်ပါ။ ၎င်းသည် ယူနန်တွင်သာရှိသော ဒေသအရပ်ဂီတ တစ်မျိုးဖြစ်သည်။ ရိုးရာပူဇော်မှုကို အဓိကထားသော အရပ်ဂီတအနုပညာလှုပ်ရှားမှု ဖြစ်သည်။ဝိန်ချန်း တာ့တုန့်ရှန်းကျင်း(“တုန့်ကျင်း” ဟုအတိုကောက်ခေါ်ဆိုသည်။ ဤကျမ်းစာကို လျှံကျင့်ခေတ် တရုတ်တောင်(daò) ဘာသာဝင်“ရှန့်ချင်း”အဖွဲ့မှ ဖန်တီးခဲ့သည်။ နိုင်ငံတော် အချက်အလက်ဂိုဒေါင်ရှိ တုန့်ကျင်းစာအုပ်၎အုပ်ကြီးမှ တစ်အုပ်ဖြစ်သည်။)ကို သရုပ်ဆောင်တင်ဆက်ခဲ့သောကြောင့် နာမည်ရခဲ့သည်။ကျမ်းစာများကို ဟောပြောသရုပ်ဆောင်ရာတွင် တွဲဆိုသော ဂုဏ်ပြုတေးများကို “တုန့်ကျင်းဂီတ” ဟု ခေါ်လေ့ရှိသည်။

 

          တုန့်ကျင်းက ထိန်ချူန်းသို့ မည်သည့်အချိန် စတင်ဝင်ရောက်ခဲ့သည်ကို မတူညီသော အဆိုများရှိကြသည်။ မြို့နယ် တုန့်ကျင်းကို မင် မင်းဆက် ကျိန့်ထို ခေတ် ထိန်ချူန်း ရှီချိန်တည်ဆောက်မှုပြီးစီး၍ ဂုဏ်ပြုအခမ်းအနားများပြုလုပ်ရာ တာ့လီမှ တုန့်ကျင်း တစ်ဖွဲ့ကိုဖိတ်ခေါ်ခဲ့သည်။ ဤသည်မှာ ချိန်ပေါင်တုန့်ကျင်း၏ အစဖြစ်သည်ဟုဆိုသည်။ ဟိုရွင့် တုန့်ကျင်းကို မှတ်တမ်းအရ ချန်လုံဘုရင်ခေတ် တာ့လီ ဟော့ချင့် သား ကျန်ဘာ ကသင်ကြားခဲ့သည်ဟု ဆိုသည်။ ကုတုန်းလျှိုကြားကျိုက် တုန့်ကျင်းကို ကွမ်းရှိ ဘုရင်ခေတ် ဟော့ချင့်မှဝင်ရောက်လာခြင်းဟု ဆိုသည်။ ဝင်ရောက်လာသောနည်းလမ်းများ မတူညီကြသော်လည်းတုန့်ကျင်း၏ တေးဂီတခေါင်းစဉ်၊ တီးဝိုင်း၊ အပြင်အဆင်နှင့် တင်ဆက်ဟန်ပန်တို့ သိပ်အကွဲပြားကြပါ။

          ထိန်ချူန်းတုန့်ကျင်း၏ တီးခတ်သော တူရိယာများမှာ တရုတ်တိုင်းရင်းသားတူရိယာ စီးရှန်၊ ကွမ်ရှန်၊ မှုတ်ခြင်း၊ တီးခတ်ခြင်း၊ တို့ဖြင့်တွဲထားသည်။ တုန့်ကျင်းတင်ဆက်ရာ အဓိကရွတ်ဆိုသော ကျမ်းစာမှာထိုက်ရှန့်ရိချင်းဝူကြည်ကျုံကျိန်းဝိန်ချန်းတာ့တုန့်ရှန်းကျင်းနှင့် ကွမ်းရှိန့်တိကျွင်းကြွယ်ရှိကျိန်းကျင်းတို့ဖြစ်ကြသည်။ အရပ်ထဲတွင် ဝိန်ကျင်းဝူကျင်း”ဟုခေါ်သည်။ တေးသံစဉ်ကို  ချန်းချွီနှင့် လော့ချွီဟူ၍နှစ်မျိုးခွဲထားသည်။ တေးသံစဉ်များ၏လာရင်းမှာ များသောအားဖြင့် ထန်ခေတ်နှင့် စုံ့ခေတ် တို့မှကဗျာ၊ ယွမ် ခေတ်မှတေးသံစဉ်များနှင့် ချင်း ခေတ်မှတေးများဖြစ်ကြသည်။ တောင်(daò) ဘာသာ၏တေးသံစဉ်အချို့လည်းရှိကြသည်။ စုစုပေါင်းအပုဒ်၄၀ကျော်ရှိသည်။ သရုပ်ဖော်တင်ဆက်ပုံမှာ ကျမ်းစာများကို အဓိကထားပြီး သီဆိုတီးခတ်မှုနှင့်တွဲထားသည်။ ဘာသာရေးအခမ်းအနားလည်းပါသည်။ တည်ငြိမ်လေးနက်၊ ရှေးသဘာဝကျပြီး မဟာဆန်သည်။ လက်ရွေးစင်တေးသီချင်းများမှာတာ့ဝူတွေ့စော်နန်ကြီးရိကျန်းဖုန်းရှန်းဟွားချန်းကျူပ်ချန်းတာ့ခုန်းချန်း ကျင်းပါးကွတို့ဖြစ်ကြသည်။ တာ့ဝူတွေ့သည်တုန့်ကျင်းတီးခတ် တေးသွားဖြစ်သည်။ ရှေးအခါက ပူဇော်ပသမှုများနှင့် အရေးကြီးသောအခမ်းအနား သို့မဟုတ် ဧည့်သည်တော်များကို ကြိုဆိုရာတွင် တီးခတ်သော ယဉ်ကျေးမှုတေးဂီတဖြစ်သည်။ သီချင်းတပုဒ်လုံး စည်ကားသိုက်မြိုက်ပြီး ခမ်းနားသည်။လျှော်နန်ကြီး၊ နှင့်ရိကျန်းဖုန်းရှန်းဟွားချန်းတို့သည် ရှန်လင်ဝိန်ချန်းတာ့တုန့် ပူဇော်ပသအခမ်းအနား ဆယ်ခုထဲတွင် မပါမဖြစ်သော တေးသံစဉ်များဖြစ်သည်။ ပေါင်ကုန့်ရန် ဟုခေါ်ဆိုကြသည်။ သံစဉ်သာယာပြီး ကြားရလျှင် နွေဦးလေကို ခံစားရသကဲ့သို့ ဖြစ်နေသည်။ရှန်းဟွားချန်းကို ပူဇော်ပသမှုဆယ်ခုထဲတွင် ပန်းပူဇော်ခြင်း ဟုခေါ်ပြီး အသံမြင့်သည်။ကျူပ်ချန်းကို တာ့တုန့်ကျင်းရှိန်ကျူပ် ဟုလည်းခေါ်သည်။ ကျမ်းစာတစ်ခုလုံး၏ နိဂုံးချုပ်တေးဖြစ်သည်။ သံစဉ်တည်ငြိမ်လေးနက်သည်။ မဟာဆန်ပြီးရှေးရိုးကျသည်။

 

          သမိုင်းတွင် တုန့်ကျင်း ကျယ်ပြန့်စွာပြန့်ပွားခဲ့သည်။ ရှိသမျှရွာအားလုံးနီးပါး တုန့်ကျင်းအဖွဲ့၏ လှုပ်ရှားမှုရှိသည်။ ကွန်မြူနစ်အာဏာရပြီးနောက် ဆန့်ကျင့်ခံရဖူးသည်။ “ယဉ်ကျေးမှုတော်လှန်ရေး” တွင် အဖမ်းခံဒဏ်ပေးခံရသည်။ ပြီးခဲ့တဲ့ရာစု ၈၀ခုနှစ်အစောပိုင်းရောက်မှပုံမှန်လှုပ်ရှားမှုရှိလာသည်။ ယခုနှစ်ပိုင်းတွင် ထိန်ချူန်းမြို့နယ်ကျေးရွာများတွင် တုန့်ကျင်းအဖွဲ့များပြန်လည်ဖွဲ့စည်းခဲ့ပြီး လျင်မြန်စွာဖွံ့ဖြိုးတိုးတက်သည်။ ထိန်ချူန်းခရိုင် အမျိုးသမီး တုန့်ကျင်းဂီတအဖွဲ့၊ ထိန်ရက်ကျိန့်ချိန် ပေါင်ကွေ့ရှန်းအသင်း၊ တုန့်ရှန်းကွေ့ရှန်းအသင်း၊ ဟိုရွင့်ကွေ့ရှန်းအသင်း၊ ကျက်ထို တုန့်ကျင်းအသင်း၊ မာကျန့်စန်းလျှံ(ဝမ်ရောင်း)တုန့်ကျင်းအသင်း၊ ကုတုန်းလျှိုကြားကျိုက်တုန့်ကျင်းအသင်း၊ ကျုံးဟောရှရွာ တုန့်ကျင်းဂီတအဖွဲ့နှင့် ထိန်ချူန်းတုန်းကျင်း ဂီတအဖွဲ့၊ ထိန်ရက်ရှေးသံစဉ်ဂီတအဖွဲ့ စသောလူထုအဖွဲ့အစည်းများရှိနေပြီ။

 

 

 

 

 

အွန်လိုင်းမိတ်ဆွေ၏ဝေဖန်စာ

ဝေဖန်စာ၏စာသား:
【အွန်လိုင်းမိတ်ဆွေများ၏ ဝေဖန်မှုသည် ၎င်း၏ကိုယ်ပိုင်အမြင်ကို ဖော်ပြခြင်းသာဖြစ်သည်။ကျွန်ုပ် တို့ဝက်ဆိုက်မှ ၎င်း၏အမြင်ကိုသဘောတူခြင်း၊ ၎င်းပြောဆိုသည်များကို သက်သေလုပ်ပေးနေခြင်း မဟုတ်ပါ။】